Jæja nú er komið að því, ég fæ nýja lyfið á morgun :)
Allir að krossa putta og vona að það svínvirki á mig..
Ég ligg núna inni á St.Jóh eftir að hafa vaknað grátandi í morgun út af verkjum í liðamótu(fylgifiskur Crohn´s) ég var svo heppinn að eiga morfín töflur heima sem ég tók og svo panodil með en það virkaði skammt þannig að mamma rúllaði mér upp á spítala kl 10 í morgun þar sem ég fékk morfín sprautu sem virkaði fram eftir degi.
Ég hef aldrei á ævinni verið jafn kvalinn samt hef ég fengið mikla magaverki en þetta var alveg hræðilega vont. Man ekki eftir því að hafa grátið af sársauka áður..
En ég fékk bestu stofuna í bænum er á VIP einkastofu með sér klósetti og sturtu, dvd, flatskjá´, fjarstýrðu rúmi, fjarstýrðum lazy boy og fjarstýrðum gluggum.
Enginn smá lúxus.. Það er sko hugsað vel um mann hérna og ég fæ hroll við tilhugsunina um að það eigi að loka þessum stað :S
jæja nóg í bili ætla að fara að lúlla.
Jæja þá eru jólin búin, þetta voru ágæt jól þó að ég hafi misst af mestu jólaundirbúningnum :s
Fyrstu jólinn þar sem ég borða ekki hangikjöt eða hamborgarahrygg..
Bara kalkún öll jólinn enda þolir maginn minn ekki svona jóla reykt salt kjöt.
Ég þurfti ekki að skila eða skipta neinni gjöf nema stígvélunum frá mömmu og pabba sem voru of lítil en það er nú ekki alvarlegt.. Þannig að það voru allir að hlusta vel á mig þessi jólinn..
Núna eru allir farnir aftur í skóla eða vinna nema ég, ég hangi bara heima og bora í nefið :P Ég fór í gær og borðaði þessa blessuðu myndavél, mjög spennandi. Svo byrja ég vonandi á lyfjunum bara núna fyrir helgi..
Þar sem ég varð að hvíla háskólann í bili fram að haust, þá datt mér í hug að taka tvo eðlisfræðiáfanga þangað til, langaði alltaf að kunna meira í raungreinum og þar sem að þetta lukkaðist svona helvíti vel með efnafræðina í fyrra þá hlýt ég að geta það sama með eðlisfræði..
Svo er bara að krossa alla putta og vona að þetta nýja lyf geri kraftaverk :)
2009 ætla ég að vera jákvæð og glöð :)
og númer eitt, tvö og þrjú ætla ég að vera heilbrigð.
Nenni ekki að vera veik lengur og ætla að gera allt sem ég get til að vera hraust og frísk.
Ég ætla líka að ferðast mikið innanlands í sumar, á gulu hættunni.
Annars er ekkert sem ég þarf að gera annað en að njóta lífsins.
2008 áramótaheitið mitt gékk upp, en það var að verða skuldlaus, hætta með visa og komast í inn í hjúkkuna. ég varð skuldlaus í júní, hætti með visa í sept og fékk 8 í báðum efnafræði áföngum til að komast í HÍ en varð svo auðvitað að hætta út af veikindum :( En ég ætla að byrja aftur næsta haust og hafði hugsað mér að taka tvo eðlisfræði áfanga í vor til að halda hausnum gangandi.
Það er greinilegt að fólk hefur tekið vel eftir fyrir þessi jól því að ég fékk bara allt sem mig langaði í í jólagjöf ekkert svona aukadót sem maður á aldrei eftir að nota hehe...
Og mér mun vera mjög hlýtt í vetur, ég fékk tvo loðna hitapoka, eitt rafmagnshita teppi, temprakon hitaskó(sokka), 3 teppi öll í stíl við nýja sófann og ofur mjúk, 4 kodda, tvo inni í stofu og tvo í svefnherbergið og svo fékk ég mjög svo hlýja kuldaskó..
Jói er með gott minni en hann gaf mér hálsfesti með nafninu mínu sem ég hef talað um lengi að mig langaði í :)
Svo eigum við Jói afmæli í dag, búin að vera saman í 3 ár og trúlofuð í eitt ár :) og ég get ekki verið með hringinn minn á mér út af bjúg :( en ég er með hann um hálsinn..
Heilsan er öll að koma til enda er ég á bullandi sterum :S svo er bara að vona að janúar verði góður nýja lyfið og svona..
Annars óska ég ykkur bara öllum gleðilegra jóla soldið seint kannski núna hehe.. og hafið það gott..
Jæja þá er komið svona nokkurn veginn niðurstaða úr öllum rannsóknunum sem ég fór í síðustu viku..
Og greininginn er semsagt Crohn´s eða svæðisgarnabólga hægt að lesa allt um það hérna eða hérna á ensku.
Ég fer svo í fleiri blóðprufur milli jóla og nýjárs og svo fæ ég að gleypa myndavélapillu 5.jan sem tekur nákvæmar myndir af smáþörmunum og hvort að það séu einhverjar sjáanlegar bólgur þar, mjög spennandi :)
Og ef allt kemur vel út þá byrja ég á nýju lyfi bara strax í byrjun Jan sem hefur reynst sjúklingum með Crohn´s rosalega vel þannig að það er um að gera að vera bjartsýn og vona að 2009 verði bara rosa gott ár..
Þannig að nú er bara að slappa af og njóta jólanna.
Ég stalst liggur við heim í gær átti ekki að fá að fara fyrr en í dag en ég gat ekki hugsað mér að sofa eina nótt í viðbót á spítalanum. . Ekki að það sé ekki æðislegt að vera þar, fannst bara tilhugsuninn við rúmið mitt svo góð..
Svo var ég farinn að sakna voffanna alveg afskaplega mikið. Erfitt að hitta þá ekki á hverjum degi þar sem þeir máttu ekki heimsækja mig eins og Jói, mamma og pabbi hehe..
Annars er ég ennþá alveg hundslöpp en þetta kemur vonandi allt. Ég verð orðinn góð þegar 2009 gengur í garð..
Við förum svo öll fjölskyldan að hitta lækninn minn á mánudaginn til að ræða framhaldið með mig, hvað eigi að gera við mig :P
Verður spennandi að sjá hvað kom út úr öllum þessum rannsóknum..
Svo er ég að bíða eftir að fá nýju bókina hennar Yrsu í hendurnar.. Á meðan ætla ég að horfa á 1 seríu af 30 rock hef heyrt að þeir séu góðir..
Jæja þá er komið að því að ég fái að fara heim eftir vikudvöl á St.Jósefsspítala. Hætt að fá stera og sýklalyf í æð þannig að ég þarf ekki að vera hérna lengur. Ég er líka búin að fara í allar hugsanlegar rannsóknir sem eru held ég bara til..
Þannig að ef allt kemur vel út á eftir þá fer ég bara heim :) til að halda jólinn..
Annars var það ekkert fleira sem ég man hehe
ekki nema að myndin How to lose friends & alienate people er góð. Horfði á hana í gær fyrir háttinn..
Dagurinn í gær byrjaði ekkert allt of vel.
Það höfðu komið niðurstöður úr sneiðmyndatökunni sem sýndu að ég var með vökva á bakvið legið og blöðrur á eggjastokkunum en einnig vökva í kringum lungun og hjartað þannig að ég var drifin upp á bráðamóttöku í hjartaómun sem tók líka bara 8 tíma :S semsagt að bíða og bíða..
Hjartað mitt er í fullkomnu lagi smá vökvi en svo lítill að það tekur því ekki einu sinni að tala um það sem betur fer enda var ég orðinn soldið kvíðinn :S
Svo er lifrin í mér orðinn svo bólginn af öllum þessum lyfjum sem ég er á að þeir tóku af mér öll verkjalyf nema morfín sem ég er ekki par hrifin af :S jújú áhrifin eru fljót að koma en maður verður svo helvíti ruglaður í hausnum með.. Ekki alveg minn cup of tea..
Í dag fer ég svo í stóra ristilspeglun og magaspeglun til að staðfesta endanlega að ég sé með colitis en ekki chron´s. Colitis er sjúkdómur sem er bara í ristlinum en Chron´s er í maga, smáþörmum og ristli þannig að allir að krossa putta og vona að ég sé "bara" með colitis.. Eins og það sé ekki nóg..
Annars er ég öll að hressast og hitinn virðist vera á hraðri leið niður.. Ég er líka alltaf í góðu skapi fyrir utan þessa smádvöl á bráða í gær setti skapið aðeins út af laginu..
Hlakka til að éta jólasmákökunar sem bíða mín eftir speglun í dag namm namm...
Svo er bara að vona að ég losni héðan fyrir jól :)
vona annars að allir hafi það gott og séu ekki að gera útaf við sig í jólastressinu sem fer alveg framhjá mér hérna enda er st.joh alveg yndislegur staður..
Ég er semsagt lent aftur inn á St. jósefsspítala og verð þar örugglega einhverja daga í viðbót á meðan þeir eru að leita að því hvað er að mér. Aftur komin á bullandi stera :(
Ég var semsagt farin að fá svo mikinn hita komin með 40 stiga hita og verki um allan líkama og svo auðvitað blæðandi sár í ristlinum.. Þannig að ég var lögð inn á föstudaginn og í dag fór ég í sneiðmyndatöku og á miðvikudaginn fer ég í ristil og magaspeglun.
Þeir tóku mig líka af nýju lyfjunum sem ég var byrjuð á :( Halda að ég sé væntanlega með vírus út af þeim en það kemur allt betur í ljós á morgun.
Þeir vilja líka endurskoða greininguna á ristilsjúkdómnum halda kannski að ég sé með annan fyrst ég er að svara lyfjameðferð svona illa en þetta eru allt getgátur og enginn veit neitt..
Ég er búin að vera óvenjuhress í dag fyrir utan mikla lið og magaverki :) og hitalaus enda er dælt í mig panodíl eins og hjúkkunar fái borgað fyrir það :)
Svo er það bara fljótandi fæði þangað til á miðvikudaginn rosa fjör eins og ég er með mikið af girnilegu kexi í náttborðinu hjá mér ;S
Jæja allir að senda mér bata strauma :) þarf mikið á þeim að halda svo ég komist heim fyrir jól.
Og ef ÞÚ er að lesa þetta blogg ertu þá til í að kvitta og segja t.d. "láttu þér batna" eða eitthvað sætt bara svo ég viti hverjir eru að lesa ef þá einhver :P
kveðja,
Kjúklingurinn..
Þetta er ráð dagsins..
Veikindinn ganga ekki sem best ég er búin að vera með 39° stiga hita núna í 3 daga í röð og alveg fáránlega mikla liðaverki :S get varla labbað.. Spurning hvort ég þurfi að fara að skipa Dímu og Charly út fyrir tjúa eða eitthvað minna.. Kannski bara hamstra..
Ég er búin að vera í pössun uppi í mosó á meðan Jói er að klára prófin og við splittuðum hundunum þannig að ég er með litlu stelpuna mína og Jói með Charly boy..
Á morgun er svo brunch á 19.hæð þar að segja ef ég verð í góðu standi en það lítur ekki út fyrir það í augnablikinu..
Hápunktur dagsins er svo að mamma og pabbi gáfu mér eyrnamæli áðan :)
Sem virkar líka alveg svona þrusu vel :P
Annars er ekkert annað að ské..