Ég held að ég hafi bara misst af megninu af Júlí afþví að ég er búin að vera sofandi :S
Frændi hans jóa var skírður í gær Sveinbjörn Daði :)
Við gáfum honum ungbarnanudds námskeið í skírnargjöf.
Nýjustu heilsufréttir frá mér eru þær að mér líður miklu betur í ristlinum og er almennt mun hressari í þeim pakkanum
En ég var að fá nýja greiningu í morgun og er ég núna líka með Sjálfsofnæmis lifrabólgu
og þarf ég þá að taka fleiri lyf og fara væntanlega aftur á stera í 3-4 mánuði.
Mér finnst eins og ég hafi unnið í sjúkdóma lottóinu :) alltaf að fá eitthvað nýtt hehe
Þannig að ég á bara að taka því rólega þangað til að ég hitti lækninn minn 10. ágúst
Fiatinn er kominn í gott lag og fer ég líklega með hann í skoðun á morgun ef allt gengur eftir :)
Þetta er annars mjög þægilegur bíll gott að keyra hann og hendast á honum út um allt.
Helena tók meira að segja smá rúnt með mér á honum um daginn, hún var reyndar með hauspoka :P
Svo er það bara tvöföld hundasýning eftir minna en mánuð :) 22-23 ágúst.
Jói elskar Fiat og sérstaklega furðulegu bílana frá þeim. Hann átti Fiat Coupé fyrir 5 árum og var núna mikið að spá í multipla. Þannig að ég setti inn auglýsingu á mbl og í gær var hringt í mig og mér var boðin þessi glæsibifreið á heilar 40 þúsund íslenskar. Hann er 2001 árgerð ekin 120 þús. Kostakaup! Að vísu þarf aðeins að dútla við hann en það var víst tilgangurinn með kaupunum svo að Jói hefði eitthvað að gera. Þannig að núna erum við stoltir eigendur þriggja bíla.
